Student Nars AKO.

September 15th, 2008 by Dianne Peña

Dahil wala pa akong OR case, at panay circulating nurse ang drama ko, napagod ako sa kakatayo at kakaikot sa kalawakan ng operating room sa Jose R. Reyes Memorial Medical Center (sa totoo lang, nakakahiyang maupo sa OR na iyan o dahil wala rin talagang upuan hehehe), inaya ko ang isa kong ka-grupo upang maupo, kumaen at magkwentuhan sa OR lounge.

Nang may isang mamang may tungkod ang biglang nagtanong saamin, “Nursing student ba kayo? o Student Nurse?” Napatingin ako sa kanya dahil akala ko kung sinong tauhan lamang sa ospital na iyon. Napangiti ako at sinagot ko sa kanya na may kawirdohan na tono, “Opo, parehas lang po iyon…” Lingid sa kaalaman ko na isa pala siyang doktor sa buto (napaka-ironic hindi ba? dahil mayroon siyang kapansanan sa paa…) tinawag siya ng isang nars at doon lang namin nalaman na, “ay doktor pala siya…”. Sinabi niya saamin na mayroong pagkakaiba ang dalawang tanong niya saamin at sabihin ko daw sa kanya ang sagot pagkabalik niya…

Nag-isip kaming mabuti ng aking kagrupo habang nagtatawanan. Naisip namin na ang “NURSING STUDENT ay ang isang estudyante na nag-aaral ng nursing sa loob ng apat na poste ng silid-aralan samantalang ang STUDENT NURSE ay isang estudyante na ginagamit sa ospital ang kanyang napag-aralan sa apat na poste ng silid-aralan”. May sense hindi ba? Sabay apir naming dalawa.

Nang bumalik si doc, tuwang-tuwa kaming sabihin sa kanya an gaming naisip. Pinakinggan niya kami ngunit mali daw ang aming sagot. Kinulit namin siya para sa sagot dahil tiyak hindi kami makakatulog pag nagkataon.

Ang sabi niya…

“Kapag STUDENT NURSE, yaan yung mga estudyanteng nag-aaral ng kursong nursing talaga. Yung mga NURSING STUDENT, yoon yung mga estudyanteng may mga anak na…”

Hindi namin alam ng aking kagrupo kung tatawa kami o ngingiwi na lang, pero dahil bumenta naman ang akala nami’y seryosong sagot, natawa kami (kamuntik pa nga na umappear kami sa doktor, feeling close naman diba? hehe).

Pahabol pa ni doc, “Kasi diba yung mga nanay na nagpapasuso at nag-aalaga ng mga anak, ang tawag doon NURSING diba?”

May point si Doc… Mas maganda nga naman pakinggan ang STUDENT NURSE. Kaya, binawi ko ang aking sagot. “AKO AY ISANG STUDENT NURSE.”

E kayo? NURSING STUDENT ba kayo o STUDENT NURSE?

Related Posts Plugin for WordPress, Blogger...

One Response to “Student Nars AKO.”

  1. My EPIC FAIL year-ender post PART II | www.littlenars.com Says:

    […] single for the whole year The birth of Littlenars.com and also Sosickoftaxi.com I got my new fone I completed my OR Cases and also my DR Cases I have read 13 novels I have partied to 6 different bars I have been to 5 […]

Leave a Reply